2018年2月21日 星期三

新一年都係鐘情於房託基金

狗年第一張買單
買入陽光房 5.37 收番千幾現金流🙈🙈 路過唔好取笑我丫🙈🙈

2017年12月6日 星期三

有現金就身痕

買入恆基地產@48.5打算收息
坐下先:)





11/1/2018 首次買入港燈@7.15 儲貨:)

31/1/2018 時隔兩年,再次增持領展@68.95 儲儲貨:)

2017年11月20日 星期一

恆指高企 29xxx點

高興既係,全部蟹貨鬆綁:)

賺既抽回本金  鬆綁既就走得快好世界:) 

投資真係一件美好既事

2016年1月20日 星期三

2016年1月2日 星期六

第一步

終於踏出第一步,平時每月薪金都剛剛好分配晒在家用、保險、儲蓄、投資及日常生活消費上。十一月的薪金在我極度節省生活消費之下,竟然剩下小量金額,可以建立一個我自己個人玩法的旅遊基金:) ,不設每月最低儲蓄金額(希望每月有四位數喇),好讓我一年儲到咁上下而不需在銀行提款之下,足夠我同我女人去一至兩次短途旅行。

以前每次去旅遊,硬係要動用積蓄,玩都玩得就住就住咁,今次踏出呢一步既目的就係為左解決之前既煩惱,節省日常開支轉變成為旅遊基金,放假時就玩得更盡興。哈哈,唔知呢個決定有冇做錯,即管試一試先。

2015年12月15日 星期二

信任自己

間唔中都有人唔覺意都會打擊左我既信念,當然知道得自己信念既人,都係家人、老友或者身邊果個。

有次我女人話我成日見跌市都咁開心,係咁掃貨,最緊要係買完又未有錢賺,仲要再跌下添,不如儲起d銀紙黎去玩轉長途旅行或者買樓好過喇,突然之間成盆冷水淋埋黎*.*。我當然無反駁她喇,因為我自知無法講贏她,唯有用我既耐性等我d股仔幫我慢慢封住她把口喇。
如果我跟隨我女人既意思,我同佢可以好開心咁做一對消費者,去下旅遊、開大餐、去睇下樓......但我諗深一層,我唔可以咁即時享樂,眼光睇得咁短,因為我深信時間就係金錢,先得果廿o零歲,應該好好咁運用呢個複息效應黎儲蓄下d大籃籌先岩,所以我選擇繼續信自己,唔知大家有無同感呢?:)

2015年12月12日 星期六

決定了的事,請用心堅持。

每個人走既路都唔同,有人想平平穩穩、有人想大起大落、當然最想既係一出生就大富大貴喇,不過想得就要用心去做,用心就唔會受時間既限制,用心就會堅持。如果出生係大富大貴既家庭,咁就醒目識得選老豆老母,在下係度恭喜你先。但如果一出生唔係大富大貴,就唯有靠自己後天既努力,可以係勞力亦可以係腦力,但最重要都係「堅持」呢兩個字。呢個blog可能唔會有人留意,但係我開呢個blog既原因只係得閒「書法」下感想,同埋俾我身邊既人去了解下我個腦諗咩,有時把口講唔出口,唯有靠寫出來喇。希望路過既朋友仔唔好見笑。